Parentalia

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. ornasti cuius Latio sermone tribunal
  2. et fora Hiberorum quaeque Novem populis,
  3. hinc tenus Europam fama crescente petito
  4. Constantinopolis rhetore te viguit,
  5. tu per mille modos, per mille oracula fandi
  6. doctus, facundus, tu celer, atque memor,
  7. tu, postquam primis placui tibi traditus annis,
  8. dixisti nato me satis esse tibi. me tibi,
  9. me patribus clarum decus esse professus
  10. dictasti fatis verba notanda meis.