Parentalia

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. in tempore puberis aevi
  2. vis perculit invida fati.
  3. eheu quem, Maxime, fructum,
  4. facunde et musice et acer,
  5. mentem bonus, ingenio ingens,
  6. volucer pede, corpore pulcher,
  7. lingua catus, ore canorus.
    8. v.1.p.82
  8. cape munera tristia patrum,
  9. lacrimabilis orsa querellae,
  10. quae funereo modulatu
  11. tibi maestus avunculus offert.
  1. QUI ioca laetitiamque colis, qui tristia damnas
  2. nec metuis quemquam nec metuendus agis,
  3. qui nullum insidiis captas nec lite lacessis,
  4. sed iustam et clemens vitam agis et sapiens,
  5. tranquillos manes supremaque mitia Sancti
  6. ore pio et verbis advenerare bonis,
  7. militiam nullo qui turbine sedulus egit,