Ordo Urbium Nobilium

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. o patria, insignem Baccho fluviisque virisque,
  2. moribus ingeniisque hominum procerumque senatu,
  3. non inter primas memorem, quasi conscius urbis
  4. exiguae inmeritas dubitem contingere laudes.
  5. non pudor hinc nobis; nec enim mihi barbara Rheni
  6. ora nec arctoo domus est glacialis in Haemo:
  7. BURDIGALA est natale solum; clementia caeli
  8. mitis ubi et riguae larga indulgentia terrae,