Ordo Urbium Nobilium

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. perque latus pulchro praelabitur amne Garumna,
  2. innumeris cultam populis, confinia propter
  3. ninguida Pyrenes et pinea Cebennarum,
  4. inter Aquitanas gentes et nomen Hiberum,
  5. quae modo quadruplices ex se cum effuderit urbes,
  6. non ulla exhaustae sentit dispendia plebis,
  7. quos genuit cunctos gremio conplexa colonos. [*]()
    8. v.1.p.280
  1. NEC tu, Martie Narbo, silebere, nomine cuius
  2. fusa per inmensum quondam Provincia regnum
  3. optinuit multos dominandi iure colonos,
  4. insinuant qua se Grais Allobroges oris
  5. excluduntque Italos Alpina cacumina fines,
  6. qua Pyrenaicis nivibus dirimuntur Hiberi,
  7. qua rapitur praeceps Rhodanus genitore Lemanno
  8. interiusque premunt Aquitanica rura Cebennae,
  9. usque in Teutosagos paganaque nomina Belcas,
  10. totum Narbo fuit: tu Gallia prima togati
  11. nominis adtollis Latio proconsule fasces.