Epitaphia

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. CONDITUR hoc tumulo Laerta natus Ulixes:
  2. perlege Odyssean omnia nosse volens.
    3. v.1.p.144
  1. CONDITUR hic genitore bono melior Diomedes,
  2. crimen ob uxoris pulsus dotalibus Argis,
  3. Argyripam clarosque viris qui condidit Arpos,
  4. clarior urbe nova patriae quam sede vetusta.
  1. CONSILIIS belloque bonus, quae copula rara est,
  2. carus et Atridis, carus et Aeacidis:
  3. praemia virtutis simul et pietatis adeptus,
  4. servate Antilochus Nestore patre obii.