Ephemeris

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. semina, veridicis olim praedicta prophetis,
  2. vitemus laqueos, quos letifer inplicat anguis.
  3. Pande viam, quae me post vincula corporis aegri
  4. in sublime ferat, puri qua lactea caeli
  5. semita! ventosae superat vaga nubila lunae,
  6. qua proceres abiere pii quaque integer olim
  7. raptus quadriiugo penetrat super aera curru
  8. Elias et solido cum corpore praevius Enoch.
  9. Da, pater, aeterni speratam luminis auram,
  10. si lapides non iuro deos unumque verendi
  11. suspiciens altare sacri libamina vitae
  12. intemerata fero: si te dominique deique
  13. unigenae cognosco patrem mixtumque duobus,
  14. qui super aequoreas volitabat spiritus undas.[*]()
  15. Da, genitor, veniam cruciataque pectora purga:
  16. si te non pecudum fibris, non sanguine fuso
    17. v.1.p.20
  17. quaero nec arcanis numen coniecto sub extis:
  18. si scelere abstineo errori obnoxius et si
  19. opto magis, quam fido, bonus purusque probari.
  20. confessam dignare animam, si membra caduca