Ephemeris

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. sit satis, antiquam serpens quod prodidit Aevvam
  2. deceptumque adiunxit Adam: nos sera nepotum
  3. semina, veridicis olim praedicta prophetis,
  4. vitemus laqueos, quos letifer inplicat anguis.
  5. Pande viam, quae me post vincula corporis aegri
  6. in sublime ferat, puri qua lactea caeli
  7. semita! ventosae superat vaga nubila lunae,
  8. qua proceres abiere pii quaque integer olim
  9. raptus quadriiugo penetrat super aera curru
  10. Elias et solido cum corpore praevius Enoch.
  11. Da, pater, aeterni speratam luminis auram,
  12. si lapides non iuro deos unumque verendi
  13. suspiciens altare sacri libamina vitae