Eclogarum Liber

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. cura domus sequitur, mercantem si nova semper
  2. damna manent, cessare vetat si turpis egestas;
  3. si vexat labor agricolam, mare naufragus horror
  4. infamat, poenaeque graves in caelibe vita
  5. et gravior cautis custodia vana maritis;
  6. sanguineum si Martis opus, si turpia lucra
  7. faenoris et velox inopes usura trucidat?
  8. omne aevum curae, cunctis sua displicet aetas.
  9. sensus abest parvis Iactantibus, et puerorum
  10. dura rudimenta, et iuvenum temeraria pubes.