Eclogarum Liber

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. expectata diu votisque optata malignis
  2. obicit innumeris corpus lacerabile morbis.
  3. spernimus in commune omnes praesentia; quosdam
  4. constat nolle deos fieri. Iuturna reclamat:
  5. ”quo vitam dedit aeternam? cur mortis adempta est
  6. condicio?“ sic Caucasea sub rupe Prometheus
  7. testatur Saturnigenam nec nomine cessat
  8. incusare Iovem, data sit quod vita perennis.
  9. respice et ad cultus animi, sic nempe pudicum
  10. perdidit Hippolytum non felix cura pudoris.
  11. e contra inlecebris maculosam degere vitam
  12. quem iuvat, adspiciat poenas et crimina regum,