Eclogarum Liber

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. Augustus sequitur cognatum a Caesare nomen,
  2. ordine sic anni proximus, ut generis,
  3. nectuntur post hos numerumque ex ordine signant:
  4. September, Bacchi munere praela rigans,
  5. et qui sementis per tempora faenore laetus
  6. October cupidi spem fovet agricolae,
  7. quique salo mergens sollemnia signa November
  8. praecipitat, caelo mox reditura suo.
  9. concludens numerum genialia festa December
  10. finit, ut a bruma mox novus annus eat.
    11. v.1.p.186
  1. BIS senas anno reparat Lucina kalendas
  2. et totidem medias dat currere Iuppiter idus
  3. nonarumque diem faciunt infra octo secundi,
  4. haec sunt Romano tantum tria nomina mensi;
  5. cetera per numeros sunt cognomenta dierum.
  1. INPLENT tricenas per singula menstrua luces