Commemoratio Professorum Burdigalensium

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. sedulum cunctis studium docendi,
  2. fructus exilis tenuisque sermo:
  3. set, quia nostro docuere in aevo,
  4. commemorandi.
  5. tertius horum mihi non magister,
  6. ceteri primis docuere in annis,
  7. ne forem vocum rudis aut loquendi
  8. sic 1 sine cultu:
  9. obstitit nostrae quia, credo, mentis
  10. tardior sensus neque disciplinis
  11. adpulit Graecis puerilis aevi
  12. noxius error.
  13. Vos levis caespes tegat et sepulcri
  14. tecta defendant cineres opertos
  15. ac meae vocis titulus supremum
  16. reddat honorem.
  1. ET te, quem cathedram temere usurpasse locuntur
  2. nomen grammatici nec meruisse putant,
  3. voce ciebo tamen, simplex, bone, amice, sodalis,
  4. Iucunde, hoc ipso care magis studio: