Commemoratio Professorum Burdigalensium

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. tibi Paterae: sic ministros nuncupant
  2. Apollinares mystici.
  3. fratri patrique nomen a Phoebo datum
  4. natoque de Delphis tuo.
  5. doctrina nulli tanta in illo tempore
  6. cursusque tot fandi et rotae:
  7. memor, disertus, lucida facundia,
  8. canore, cultu praeditus,
  9. salibus modestus felle nullo perlitis,
  10. vini cibique abstemius,
  11. laetus, pudicus, pulcher, in senio quoque
  12. aquilae ut senectus aut equi.