Commemoratio Professorum Burdigalensium

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. Sallustio plus conferent libri tui,
  2. quam consulatus addidit,
  3. morum tuorum, decoris et facundiae
  4. formam dedisti filiis.
  5. Ignosce nostri laesus obsequio stili:
  6. amoris hoc crimen tui est,
  7. quod digna nequiens promere officium colo,
  8. iniuriose sedulus. [*]( 30)
  9. quiesce placidus et caduci corporis
  10. damnum repende gloria.
  1. RHETORA Luciolum, condiscipulum atque magistrum
  2. collegamque dehinc, nenia maesta refer,
  3. facundum doctumque virum, seu lege metrorum
  4. condita seu prosis solveret orsa modis,