Confessiones

Inspeximus etiam, propter quorum figurationem ista uel tali ordine fieri uel tali ordine scribi uoluisti, et uidimus, quia bona sunt singula et omnia bona ualde, in uerbo tuo, in unico tuo caelum et terram, caput et corpus ecclesiae, in praedestinatione ante omnia tempora sine mane et uespera. ubi autem coepisti praedestinata temporaliter exequi, ut occulta manifestares et inconposita nostra conponeres — quoniam super nos erant peccata nostra et in profundum tenebrosum abieramus abs te, et spiritus tuus bonus superferebatur ad subueniendum nobis in tempore opportuno – et [*]( 24] cf. Prou. 17, 15.. ) [*]( 1 de om. GMV 2 pr. et om. BP 3 laudent BCMPQedd. pr. te owt. CMW alt. amemus BCHMPQWedd. 4 pr. te om. W habent] quae habent BCHPQ edd., quae *abellt (h ras.) M 5 defectum] affectum V 6 uespera SVJV: uesperam BGHOPQ edd., uesperum CM partim] parum S 8 de] de te BPQb tua] tu S, de tua BPQb 9 concreta BGPQV creatam C, create MS materiae C 11 sit om. W alt. aliud-species om. M 12 materiam C, materia est H nihilo] n nihilo M specie S 13 materie H 14 morae om. V 16 ista VW pr. ordine] ordinatione H alt. ordine] ordini W, ordinatione H scribere M 17 bonu W 19 praedistinatione BP et om. W uespere O BP 20 cepisti P praedistinata MPV 21 manifestaris W componeris W 22 erunt P 23 aberamus M, ubi eramus S, abiera W superferebatur] super te ferebatur G 24 oportuno BCGHMPQVW ) [*]( XXXIII. Aur. Augustini conff. (Aug. 1, 1). ) [*]( 26 )

iustificasti inpios et distinxisti eos ab iniquis et solidasti auctoritatem libri tui inter superiores, qui tibi dociles essent, et inferiores, qui eis subderentur, et congregasti societatem infidelium in unam conspirationem, ut apparerent studia fidelium, ut tibi opera misericordiae parerent, distribuentes etiam pauperibus terrenas facultates ad adquirenda caelestia. et inde accendisti quaedam luminaria in firmamento, uerbum uitae habentes sanctos tuos et spiritalibus donis praelata sublimi auctoritate fulgentes; et inde ad imbuendas infideles gentes sacramenta et miracula uisibilia uocesque uerborum secundum firmamentum libri tui, quibus etiam fideles benedicerentur, ex materia corporali produxisti; et deinde fidelium animam uiuam per affectus ordinatos continentiae uigore formasti atque inde tibi soli mentem subditam et nullius auctoritatis humanae ad imitandum indigentem renouasti ad imaginem et similitudinem tuam praestantique intellectui rationabilem actionem tamquam uiro feminam subdidisti omnibusque tuis ministeriis ad per- Sciendos fideles in hac uita necessariis ab eisdem fidelibus ad usus temporales fructuosa in futurum opera praeberi uoluisti. haec omnia uidemus et bona sunt ualde, quoniam tu ea uides in nobis, qui spiritum, quo ea uideremus et in eis te amaremus, dedisti nobis.