Confessiones

Sed quis nostrum sic inuenit eam inter tam multa uera, quae in illis uerbis aliter atque aliter intellectis occurrunt quaerentibus, ut tam fidenter dicat hoc sensisse Moysen m [*]( 1 materiam HMOW, materigs F uisibilem F 2 docent (8 m. 2) G 3 ex] et W, a GHMtn factam om. V, factum BFP ideoque illi] ideoque S 4 coaeternum C om*iserit (m ras.) H enuntiare] nuntiare S 6 ego BGOPQW* prospectis S, perfectis V iniquitatis W 7 uideo duo GM 8 dissensionum (n pr. ex s corr.) P, quid dissensionem Fl aboriri S, oborriri W, oborire M alii G a om. V; ad S 9 signum V alterum (om. si) GM 10 quae V nuntiat V, adnuntiat BFPQb uoluntate] ueritate H 11 conditione - 16 arbitran(tur) add. B\' in ras. 12 moises S 13 uoluit F 14 disce*dant (n ras.) V qui ea-omnes om. G 16 moisen F, moysen (n ex s) V, mosen S dixisse om. M 17 tua om. B 18 pascantur B latitudinem C ad uerba] aduersa F 19 quaeremus W tuam ***** (uolun ras.) W 20 eam M 21 inueniet BCFPQbo ea CFV, in ea H inter tam] in terram F 22 uera] uerba BFMPQb 23 ut tam] uitam V, utam F sensi (• add. m. 2) G, sensissem W)

atque hoc in illa narratione noluisse intellegi, quam fidenter dicit hoc uerum esse, siue ille hoc senserit siue aliud? ecce enim, deus meus, ego seruus tuus, qui uoui tibi sacrificium confessionis in his litteris et oro, ut ex misericordia tua reddam tibi uota mea, ecce ego quam fidenter dico in tuo uerbo incommutabili omnia te fecisse, inuisibilia et uisibilia, numquid tam fidenter dico non aliud quam hoc adtendisse Moysen, cum scriberet: in principio fecit deus caelum et terram, quia non, sicut in tua. ueritate hoc certum uideo, ita in eius mente uideo id eum cogitasse, cum haec scriberet? potuit enim cogitare in ipso faciendi exordio, cum diceret: in principio; potuit et caelum et terram hoc loco nullam iam formatam perfectamque naturam siue spiritalem siue corporalem, sed utramque inchoatam et adhuc informem uelle intellegi. uideo quippe uere potuisse dici, quidquid horum diceretur, sed quid horum in his uerbis ille cogitauerit, non ita uideo, quamuis siue aliquid horum siue quid aliud, quod a me conmemoratum non est, tantus uir ille mente conspexerit, cum haec uerba promeret, uerum eum uidisse apteque id enuntiauisse non dubitem.