Res Gestae

Ammianus Marcellinus

Ammianus Marcellinus. Ammianus Marcellinus, with an English translation, Vols. I-III. Rolfe, John C., editor. Cambridge, MA; London: Harvard University Press; W. Heinemann, 1935-1940 (printing).

Itaque humo late stagnante, altero die militi requie data, imperator ipse praegressus, constratis periculis multis ex utribus

v2.p.428

pro copia pontibus, itidemque navibus confectis e[*](periculisconfectis e, Her. (cf. xxiii. 3, 9); periculis multis et utribus et proci anavibus itidemque consectis, V.) palmarum trabibus exercitum non sine difficultate traduxit.

In his regionibus agri sunt plures, consiti vineis varioque pomorum genere,[*](genere with lac., Clark, c.c.; without lac., V.) ubi oriri arbores assuetae palmarum, per spatia ampla ad usque Mesenen et mare pertinent magnum, instar ingentium nemorum. Et quaqua incesserit quisquam, termites et spadica cernit assidua, quorum ex fructu mellis et vini conficitur abundantia, et maritari palmae ipsae dicuntur facileque sexus posse discerni.