Res Gestae

Hocque exinde claruit fraude potius quam tenacitate committi, quod cum idem Caesar petenti ex usu gregario cuidam, ut barbas detonderet, dedisset aliquid vile, contumeliosis calumniis appetitus est a Gaudentio notario, ad explorandos eius actus diu morato per Gallias, quem postea ipse interfici iusserat, ut[*](ut, added by EG; V omits.) loco monstrabitur competenti.

Lenito tandem tumultu, non sine blanditiarum genere vario, contextoque navali ponte transito Rheno,[*](transito Rheno, tr. by Clark, Novák, c.c.; R. flumine transito, Her.; R. transito, V.) terris Alamannorum calcatis, Severus magister equitum, bellicosus ante haec et industrius, repente .

Et qui saepe ad fortiter faciendum hortabatur et singulos, dissuasor pugnandi, contemptus videbatur et timidus, mortem fortasse metuens adventantem, ut in Tageticis libris legitur vel[*](uel, added by Preller, Haupt; et, Gardi; V omits.) [*](Vegoicis, Kiessling; uegonicus, V.) fulmine mox tangendos adeo hebetari, ut nec tonitruum[*](tonitruum, E ; tonitrum, BG ; nectores nitrum, V.) nec maiores aliquos possint audire fragores. Et iter ignaviter egerat praeter solitum, ut ductores, viarum praeeuntes alacri gradu, ultima minitando terreret, ni omnes conspirantes in unum, se loca penitus ignorare firmarent. Qui interdicti, metuentes auctoritatem, nusquam deinde sunt progressi.

Inter has tamen moras, Alamannorum rex Suomarius ultro cum suis improvisus occurrit, ferox ante saeviensque in damna Romana, sed tum