Expositio Psalmi CXVIII

fige ergo tabernaculum quod in te est mentisque tuae stationem confirma, ut radicatus atque fundatus maneas in fide Christi. sequitur [*](1. 8 cf. Esai. 19, 1 5 cf. Ps. 50. 7 cf. Lue. 1. 35 12 Ioh. 1. 29 13 cf. Zich. 3, 3 16 cf. Zach. 5, 7 18 Ps. 115. 3 (12) 22 cf. Ps. 115. 6 (15) 25 ef. Xum. 33. 5 28 cf. Eph. 3. 17 ) [*]( 1 dominum] add. nostrum M leue AGPRml 2 nubis Gm1Pm1 erat om. MhPRT 3 uirginis GMNPa leuis - domino om. O 5 in om- AGa 6 parturiebat GMNOav 12 inquid Rml, add. iohannes a 13 peceatum ex peccata Aml peceata 0 14 mea] in ea APR 17 sedit Mm2N corde GMab in—erant] quos peccata non onerant b 19 uerbo GMm2 20 infirmitatem carnis JfNO 21 habebatur ignobilis et degener 0 25 promoueas GMNPRa 25.26 sochot AMORT a socoht N Socoth υ et alt. G 25 in Sochoth om. G 26 tibi prima MN statio tibi 0 est significans Gav 27 ergo fige 0 )

uariantur merita mansionum, quia nullis iugis in hoc saeculo uiuendi potest esse successus. bonus igitur imperator alibi manna esurienti populo ministrauit, alibi potum de petra fluere, quo sitim populi restingueret, augusta prouisione praecepit, alibi legem dedit, alibi triumphos donauit, ut his beneficiis fotus exercitus nullum prolixi itineris sentiret laborem.

Itaque in illo populo typus fuit, in nobis ueritas. nos igitur committamus iter nostrum ductui domini Iesu, qui legem primo introduxit et antea per Iesum terram repromissionis in possessionem populo suo dedit. sed etiam, quando Moyses uidebatur ductor esse, aderat illi Iesus, aderat autem non palam nec aperte ductorem aut principem populi sese gerens; expectabat enim, donec Moyses tempus expleret suum, quo conpleto successit Iesus.

itaque si consideres uiginti, uidebis mysterium plenitudinis temporum et centum uiginti annos, post quos et Moyses in monte requieuit et Iesus manifeste mansionum suscepit principatum, ut iam non sub legis timore sit populus, sed resuscitatus a mortuis fructu uitae fruatur aeternae. ambulemus igitur secundum legis doctrinam, uia nobis lex dei sit.