Expositio Psalmi CXVIII

ideoque dixit: percutiam pastorem et dispergentur oues gregis, ut repleatur totus orbis terrarum grege Christi, significans tunc fore saluam synagogam, cum se huic dispersioni et ipsa sociauerit, quae repleuit hunc mundum; tabernacula enim pastorum regna sunt terrae. ideoque propheta Dauid nationes adnuntians credituras ait: regna terrae, cantate deo. ergo sciat se iuuenior, ut corrigat uiam suam.

Sed dicis: \'qui potest cognoscere uiam suam iuuenior, ut corrigat, cum propheta dicat: tria sunt inpossibilia mihi intellegere et quartum quod non agnosco: uestigia aquilae uolantis, uiam serpentis in petra et secus semitas nauis fluctuantis et uias uiri in iuuentute? si Salomon fatetur, quod non cognoscat uias uiri in iuuentute, quomodo iuuenior potest cognoscere?

cui respondebitur, quod illae uiae uiri in iuuentute non cognoscantur, quae sunt secus uias serpentis in petra et secus semitas nauis fluctuantis et uestigia uolantis aquilae, quae ungues asperos habet et supra nubes uolat, in aere errat et in mari piscem interficit. et tamen non est inpossibile hoc quartum, sicut illa tria; cognoscit enim dominus qui sunt ipsius et uult ut sciat se unusquisque, sciat se populus dei.

Sed esto, non cognoscantur errantium uiae, sicut dicit dominus: non noui uos; discedite a me operarii iniquitatis. hic autem iuuenior, qui potest corrigere uiam suam, fortasse iunior sit aetate, non moribus et habeat in primo [*]( 1 cf. Iac. 1,1 *Zich. 13, 7 7 Ps. 67, 33 cf. Ps. 118, 9 10*Prou. 24. 53—54 (30, 18-19) 21*11 Tim. 2, 19 22 cf. I Thess. 4, 3—4 24*Luc. 13, 27 ) [*]( 4 se om. MNT se sociauerit 3T 5 hune] omnem a 6 ideo dauid propheta MN 7 iunior GmlMXP 9 dices cod. Casin. 154 quis AGMm10 Pm1RΤυ quomodo Mm2 suam om. Av iunior GMNPTa 11 quod om. 0 cognosco b 13 semitam MN 15 agnoscat AORv potest iuuenior av 17 alt. sequus Pml 19 habet] add. et (om. v) praedam non (om. υ) ineludit Ov alt. et om. GMmlNTav 20 impossibile non est a 21 ipsius] illius M 23 cognoscuntur d dominus dicit 0 25 post Rml 26 iuueniorOv: )