Expositio Psalmi CXVIII

quomodo ergo dicit propheta latum mandatum dei et ualde latum ? ideo, quia angustae uiae latum mandatum necessarium est. denique hic ipse propheta ait: in tribulatione dilatasti mihi, et iterum: in tribulatione inuocaui dominum et exaudiuit me in latitudine.

Haec latitudo mandatorum caelestium cor prophetae dilatat, dilatabat et apostoli. denique ipse dicebat: os nostrum patet ad uos, o Corinthii, cor nostrum dilatatum est. dispensando enim mandata caelestia cor suum [*]( 3.11 Ps. 118, 96 10 Rom. 10, 4 14*Ps. 118,96 17 cf. Matth. 7, 14 21 Ps. 4, 2 22*Ps. 117, 5 25 II Cor. 6, 11 ) [*]( 1 uidit propheta MNav 3 consummationis—5 uidi om.N 5 luxoriae Rml 8 et om.GMNOav 9 omnium uirtutum av omnium Christus est uirtutumN 11 quia] quiAR 14 tuum om-GMm10PR 15 terrenae AGM 16 adipiscantur Rrnla uirtus] add. et Ov difficilis] add. est a 17 plures] add. sunt ASm2av sectantur GMN 18 dominum av eonuertimur in illam N 20 angusta uia a 21 hinc ARtn2 23 latitudinem 0 25 dilatatj dilatauit N dilatabat a, om.Ov denique] add. et Oav nostrum] meum N 26 0 om.MPRml corinthi MN 27 dispensandum Aml caelestia. mandata av )

dilatauerat et, quod ante persecutionis perfidia coartabat, hoc Christi amplificauit gratia. et qua ratione latum mandatum i ne nos coartaremur angustiis mandatorum, unde ait: non coangustamini in nobis. si hoc Paulus, quanto magis Christus qui clausa reserauit! ergo dicit: nolo coartetur in me populus meus. in angusto uirtutum tramite debet latitudo praecepti mei uiantibus esse solacio, ne quis deficere possit aut conteri.

Ambulemus ergo in dei mandato, quia satis latum est. est enim mandatum sapientiae quae in exitu canitur, in amplis autem fiducialiter agit; πλατεῖα enim Graeci sermonis est, quae Latine dicitur latitudo. dilatemus igitur cor nostrum, ut recipiamus apostolicae uim sententiae, qui ait:

capite nos. recipiamus ergo eius sermones in cor nostrum, induamus uiscera misericordiae benignitatem humilitatem patientiam. o homo, quam latus es, si ad amplitudinem praeceptorum caelestium sinum tuae mentis expandas! quam latum mandatum est caritatis! diligite, inquit, inimicos uestros. omnes utique affectu caritatis inclusit qui non exclusit inimicos;