Expositio Psalmi CXVIII

discamus cauere quem gerimus. hic nobis hostis domesticus, hic inimicus grauis nostri ipsius corporis. inflammatur uino, ardet libidine, decore mulieris occursantis accenditur, spe alitur, desperatione uritur, inlecebris exuritur, non euaporat effectu, timore turbatur, metu frangitur, luxuria mollitur, lasciuia dissoluitur, labore adficitur, sollicitudine fatigatur, passione conteritur.

miraris, si inter tot aduersanas passionum uices se etiam iustus tenere uix possit, cum inpares simus etiam singularum certamini passionum ? quem uel sola libido non uindicet, quem non subiuget auaritia, quem formido non quatiat, quem luxuria non euaporat, quem lasciuia non emolliat, quem non supblantet ebrietas?

Quasi conscius igitur carnalis infirmitatis et explorator persecutionis hostilis dicit: paulo minus consummauerunt me in terra. in hac utique terra, in qua Adam primus corruit et pudenda prolapsione deiectus totius gressum futurae posteritatis inflexit; in hac terra, in qua Cain munera fraterna dolens suis esse praelata ruina est stratus inuidiae; denique uox fraterni sanguinis clamauit a terra.

in hac terra Noe sanctus, quem totius orbis diluuia in tantis procellis et fluctibus Peruigilem probauerunt, ubi tamen otioso curas laxauit corpore, somnum ebrietatis offendit, contumeliam paternae pietatis incurrit, docens periculosa otia securae esse uirtuti.

in hac terra Loth reuerendi parentis imitator, quem non luxuriantis Sodomitanae plebis decolorauit inpuritas, non flamma [*]( 16 Ps. 118, 87 17 cf. Gen. 3, 6 19 cf. Gen. 4, 8.10 21 cf. Gen, 9, 21—23 25 cf. Gen. 19, 33-35 ) [*]( 2 eius 0 diuturno Mml 3 corruisse Pml 4 que M 5 grauis] add. est av ipsius] add. usus v corporis usus 0 inflammatus Pml 7 non omN affectu NPmla 8.13 luxoria Rml 10 uicisse PmlR iustos Mml 11 sumusJl certaminis J GNOP R passionum om v 12 iudicet MNOPtnlTa 17 me om.PmlR 19 inflixit a 20 status 0 23 tamen om.O corpore] ) [*](dėf. A. ) [*](add. ibi a ebrietatis—p. 255,17 in habitatione sua desuni in A offendit] add. quando mediastino filio delyrante s.l.m2Ta 24 esse ocia, secura esse perieula uirtutis 0 secura GMNPRo 25 Lot v 26 luxoriantis Rml decolarauit P flammae Pml )

In hac terra etiam Dauid propemodum consummatum esse se dixit, siquidem paene motos pedes suos et gressus suos paulo minus sensit effusos, quia diuitias saeculares et successus corporalium prosperorum loco beatitudinis aestimauit peccatoribus abundare.