Explanatio Psalmorum XII

Non debemus igitur malignis aemulandi aduersum nos aculeos ministrare, qui etiam non lacessiti inuidiae stimulis excitantur ut noceant, sicut Cain fratrem occidit, quia magis illius sacrificium acceptum est quam quod ipse putauerat offerendum; in quo non aemulatus Abel, sed inuidus Cain praelationis gratiam scelesto parricidio persecutus est. non enim ille fratris uoluit obumbrare sacrificium, sed seruare sacrificii disciplinam, ut primitias nulla desi-

dia moraretur nec aliqua in usus proprios deriuata usurpatione uiolaret. Saul quoque triumphatorem Palaestinorum Dauid prophetam et propriae conseruatorem salutis iuuencularum sibi sermone praelatum temptauit insidiis, teli iactu parauit occidere ac paene sanguinem generi fuderat innocentis, nisi uulnus ille sinuati corporis inflexione lusisset. quae ibi malitia, si iuuenculae dixerunt: Sau1 in milibus, Dauid in decem milibus? quam atrox autem inuidia regis Saul, qui sermonis errorem in innocentis exitium deriuauit!

Neque aemulatus, inquit, fueris facientes iniquitatem. non repetiuit, quod dixerat, sed mutauit. aliud est enim subaemulari, aliud aemulari; subaemulatio astutiam habet, aemulatio simplicitatem. sed tamen etiam ipsa cauta debet esse simplicitas et prouida, ut nouerit quid cauendum sit; neque enim otiose dictum est: estote astuti sicut serpentes et simplices sicut columbae. spiritalis ergo debet esse astutia, [*](15 cf. I Reg. 19, 10 17 *I Reg. 18, 7 21 *Ps. 36,1 26 *Matth. 10,16 ) [*]( 1 exasperantis « quod om. a incentori aemulationis ed. Rom. incentoria e (ae-w) mutationis codd. av 2 stultitia esse (est Fm2) fJ 3 offendiculum fJ incessere av increscere codd. 6 lascessiti BC excitentur Dml 7 cayn DF 8 acceptum est om. a esset au offerendo Bml 9 cayn F 12 deriuatns fJ 15 iaculo codd. av, correxi 16 simulati a (igexkivev I Reg. 18,11) 17 luisset BCml elusisset v; c/. Expos. ps. 118, tractat. 17, cap. 25: (Dauid) allophyli impetum lusit 19 in om. Cfnl 21 inquid BmlC fueris inquit fJ facientem Aml 26 et om. B )