Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. magnanimos raptum caelestia regna Gigantas.
  2. nec uero prima in tantis concursibus hasta
  3. ulla fuit: stridens nimbus certante furore
  4. telorum simul effusus, cupidaeque cruoris
  5. hinc atque hinc animae gemina cecidere procella.
  6. ac prius insanus dextra quam ducitur ensis
  7. bellantum pars magna iacet. super ipsa suorum
  8. corpora consistunt auidi calcantque gementis.
  9. nec magis aut Libyco protrudi Dardana nisu
  10. auertiue potest pubes, aut ordine pelli
  11. fixa suo Sarrana manus, quam uellere sede
  12. si coeptet Calpen impacto gurgite pontus.
  13. amisere ictus spatium, nec morte peracta
  14. artatis cecidisse licet. galea horrida flictu
  15. aduersae ardescit galeae, clipeusque fatiscit
  16. impulsu clipei, atque ensis contunditur ense.
  17. pes pede, uirque uiro teritur, tellusque uideri
  18. sanguine operta nequit, caelumque et sidera pendens
  19. abstulit ingestis nox densa sub aethere telis.
  20. quis astare loco dederat Fortuna secundo,