Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. ‘Nate dea, solus regni lucisque fuisti
  2. germanae tu causa meae: mors testis et ille
  3. (heu cur non idem mihi tum!) rogus. ora uidere
  4. postquam est ereptum miserae tua, litore sedit
  5. interdum, stetit interdum, uentosque secuta
  6. infelix oculis magno clamore uocabat
  7. Aenean comitemque tuae se imponere solam
  8. orabat paterere rati. mox turbida anhelum
  9. rettulit in thalamos cursum subitoque tremore
  10. substitit et sacrum timuit tetigisse cubile.