Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. Fundique et regnata Lamo Caieta domusque
  2. Antiphatae, compressa freto, stagnisque palustre
  3. Liternum et quondam fatorum conscia Cyme.
  4. illic Nuceria et Gaurus naualibus acta
  5. prole Dicarchea, multo cum milite Graia
  6. illic Parthenope ac Poeno non peruia Nola,
  7. Allifae et Clanio contemptae semper Acerrae.
  8. Sarrastis etiam populos totasque uideres
  9. Sarni mitis opes; illic, quos sulphure pingues
  10. Phlegraei legere sinus, Misenus et ardens
  11. ore Giganteo sedes Ithacesia Bai.
  12. non Prochyte, non ardentem sortita Typhoea
  13. Inarime, non antiqui saxosa Telonis
  14. insula, nec paruis aberat Calatia muris,
  15. Surrentum et pauper sulci Cerealis Abella,
  16. in primis Capua, heu rebus seruare serenis
  17. inconsulta modum et prauo peritura tumore!
  18. laetos rectoris formabat Scipio bello.
  19. ille uiris pila et ferro circumdare pectus
  20. addiderat. leuiora domo de more parentum