Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. patricius iunctis exercitus ibat in armis.
  2. ter centum exiluere duces. quocumque liberet
  3. uno non pauidus rexisses bella magistro.
  4. sed dirum egressis omen: Scelerata minaci
  5. stridentis sonitu tremuerunt limina portae,
  6. maximaque Herculei mugiuit numinis ara.
  7. inuasere hostem, numerarique aspera uirtus
  8. haud est passa uiros, et plures milite caedes.
  9. saepe globo densi, saepe et per deuia passim
  10. dispersi subiere uices, meritique labore
  11. aequato, nulli quisquam uirtute secundus,
  12. ducere ter centum Tarpeia ad templa triumphos.
  13. spes heu fallaces oblitaque corda, caducum
  14. mortali quodcumque datur! grex ille uirorum,
  15. qui Fabia gente incolumi deforme putabat
  16. publica bella geri, pariter cecidere deorum
  17. inuidia, subitis circumuenientibus armis.
  18. nec tamen occisos est cur laetere. supersunt
  19. quot tibi sint Libyaeque satis: certauerit unus
  20. ter centum dextris. tam uiuida membra laborque