Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. dimittunt nullasque mouent in frontibus alas,
  2. tum sensim infusa tranquilla per aequora pace
  3. languentes tacito lucent in litore fluctus.
  4. Sensit cura sagax Poeni fraudisque ueneno
  5. adgreditur mentes. pauca atque haec ruris auiti
  6. iugera nec multis Fabius uertebat aratris:
  7. Massicus uuiferis addebat nomina glaebis.
  8. hinc pestem placitum moliri et spargere causas
  9. in castra ambiguas. ferro flammisque pepercit
  10. suspectamque loco pacem dedit arte maligna
  11. ceu clandestino traheretur foedere bellum.
  12. Intellectus erat Fabio, Tyriosque uidebat
  13. dictator saeuire dolos. sed non uacat †aegre
  14. inuidiam gladios inter lituosque timere
  15. et dubia morsus famae depellere pugna,
  16. donec reptantem et nequiquam saepe trahendo