Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. aduenisse deum. sed enim de more parentum
  2. grato cursabat studio instabatque senectae,
  3. donec, opes festas, puris nunc poma canistris
  4. composuit, nunc inriguis citus extulit hortis
  5. rorantis umore dapes, tum lacte fauisque
  6. distinxit dulcis epulas nulloque cruore
  7. polluta castus mensa Cerealia dona
  8. attulit ac primum Vestae detersit honorem
  9. undique et in mediam iecit libamina flammam.
  10. deesse tuos latices, hac sedulitate senili
  11. captus, Iacche, uetas. subito, mirabile dictu,
  12. fagina pampineo spumarunt pocula suco,
  13. pauperis hospitii pretium, uilisque rubenti
  14. fluxit mulctra mero, et quercu in cratera cauata
  15. dulcis odoratis umor sudauit ab uuis.
  16. En cape Bacchus ait ‘nondum tibi nota, sed olim