Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. nec summum uiolare decus. cingente superba
  2. Poenorum turba captiuoque agmine saeptus
  3. ibat et inuidiam caelo diuisque ferebat.
  4. Ecce trahens geminum natorum Marcia pignus,
  5. infelix nimia magni uirtute mariti,
  6. squalentem crinem et tristis lacerabat amictus.
  7. agnoscisne diem? an teneris non haesit in annis?
  8. atque ea, postquam habitu iuxta et uelamine Poeno
  9. deformem aspexit, fusis ululatibus aegra
  10. labitur, et gelidos mortis color occupat artus.
  11. si qua deis pietas, tales, Carthago, uidere
  12. dent tibi Sidonias matres. me uoce quieta
  13. adfatus iubet et uestros et coniugis una
  14. arcere amplexus pater, impenetrabilis ille
  15. luctibus et numquam summissus colla dolori.’
  16. Hic alto iuuenis gemitu lacrimisque coortis
  17. Magne parens, inquit ‘quo maius numine nobis
  18. Tarpeia nec in arce sedet, si iura querelis
  19. sunt concessa piis, cur hoc matrique mihique