Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. Ocius interea propelli signa iubebat
  2. excussus consul fatorum turbine mentem,
  3. donec flammiferum tollentes aequore currum
  4. solis equi sparsere diem. iamque orbe renato
  5. diluerat nebulas Titan, sensimque fluebat
  6. caligo in terras nitido resoluta sereno.
  7. tunc ales, priscum populis de more Latinis
  8. auspicium cum bella parant mentesque deorum
  9. explorant super euentu, ceu praescia luctus
  10. damnauit uesci planctuque alimenta refugit.
  11. nec rauco taurus cessauit flebile ad aras
  12. immugire sono pressamque ad colla bipennem
  13. incerta ceruice ferens altaria liquit.
  14. signa etiam effusa certant dum uellere mole,