Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. uix credas labi: ripis tam mitis opacis
  2. argutos inter uolucrum certamine cantus
  3. somniferam ducit lucenti gurgite lympham.
  4. Iamque sub extremum noctis fugientibus umbris
  5. lux aderat, Somnusque suas confecerat horas.
  6. explorare locos consul collisque propinqui
  7. ingenium, et campis quae sit natura, parabat.
  8. par studium Poeno similesque in pectore curae.
  9. ergo aderant rapidis equitum comitantibus alis.
  10. Verum ubi commoto docuerunt puluere nubes
  11. hostem ferre gradum, et propius propiusque sonoro
  12. quadrupedum cornu tellus gemit, ac simul acer
  13. uincentum lituos hinnitus saeuit equorum,
  14. Arma, uiri, rapite arma, uiri, dux instat uterque.