Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. protinus aerii praeceps rapit aggere montis.
  2. horrebat glacie saxa inter lubrica summo
  3. piniferum caelo miscens caput Apenninus.
  4. condiderat nix alta trabes, et uertice celso
  5. canus apex stricta surgebat ad astra pruina.
  6. ire iubet. prior extingui labique uidetur
  7. gloria, post Alpes si stetur montibus ullis.
  8. scandunt praerupti nimbosa cacumina saxi.
  9. nec superasse iugum finit mulcetue laborem:
  10. plana natant, putrique gelu liquentibus undis