Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. nescius, accepit miserae si iura carinae,
  2. uentorum tenet ipse uicem cunctisque procellis
  3. dat iactare ratem: fertur uaga gurgite puppis
  4. ipsius in scopulos dextra impellente magistri—
  5. ergo agitur raptis praeceps exercitus armis
  6. Lydorum in populos sedemque ab origine prisci
  7. sacratam Corythi iunctosque a sanguine auorum
  8. Maeonios Italis permixta stirpe colonos.
  9. Nec regem Afrorum noscenda ad coepta moratur
  10. laude super tanta monitor deus. omnia somni
  11. condiderant aegrisque dabant obliuia curis,
  12. cum Iuno in stagni numen conuersa propinqui
  13. et madidae frontis crinis circumdata fronde
  14. populea stimulat subitis praecordia curis