Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. absorbet latices, saeuoque urgente uapore
  2. siccus inarescit ripis cruor. horrida late
  3. scinditur in rimas et hiatu rupta dehiscit
  4. tellus, ac stagnis altae sedere fauillae.
  5. Miratur pater aeternos cessare repente
  6. Eridanus cursus, Nympharumque intima maestus
  7. impleuit chorus attonitis ululatibus antra.
  8. ter caput ambustum conantem attollere iacta
  9. lampade Vulcanus mersit fumantibus undis,
  10. ter correpta dei crines nudauit harundo.
  11. tum demum admissae uoces et uota precantis,
  12. orantique datum ripas seruare prioris,
  13. ac tandem a Trebia reuocauit Scipio fessas
  14. munitum in collem Graccho comitante cohortes.