Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. contorta ripae pendens adfigitur hasta.
  2. hic hostem orbatus telo complectitur ulnis
  3. luctantemque uado permixta morte coercet.
  4. mille simul leti facies. Ligus occidit aruis,
  5. sed proiecta uiri lymphis fluuialibus ora
  6. sanguineum hauserunt longis singultibus amnem.
  7. enabat tandem medio uix gurgite pulcher
  8. Irpinus sociumque manus clamore uocabat,
  9. cum rapidis inlatus aquis et uulnere multo
  10. impulit asper equus fessumque sub aequora mersit.
  11. Accumulat clades subito conspecta per undas
  12. uis elephantorum turrito concita dorso.
  13. namque uadis rapitur praeceps, ceu proruta cautes
  14. auulsi montis, Trebiamque insueta timentem