Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. monte procelloso Murranum miserat Anxur,
  2. Tritonis †niueo te sacra, Phalante, profundo.
  3. ut primum insigni fulsit uelamine consul,
  4. quamquam orbus partem uisus unoque Cupencus
  5. lumine sufficiens bellis citat improbus hastam
  6. et summae figit tremebundam margine parmae.
  7. cui consul (namque ira coquit): ‘Pone, improbe, quicquid
  8. restat in ore fero et truncata fronte relucet.’
  9. sic ait intorquens derecto turbine robur
  10. et dirum tota tramittit cuspide lumen.
  11. nec leuior dextra generatus Hamilcare saeuit.
  12. huic cadit infelix niueis Varenus in armis,
  13. Meuanas Varenus, arat cui diuitis uber
  14. campi Fulginia et patulis Clitumnus in aruis