Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. ductores Italum ac leges et pacta reposcant.
  2. at tu, donata tela inter Martia luce,
  3. infelix animae, sic, sic uiuasque tuoque
  4. des iterum hanc laudem nato; nec fine sub aeui
  5. oppetere in bello detur, cum fata uocabunt.
  6. pugnantem cecidisse meum est.’ haec personat ardens.
  7. inde leui iaculo Massylumque impiger alis
  8. castra sub ipsa datis inritat et elicit hostem.
  9. Nec Latius uallo miles debere salutem
  10. fas putat aut clausas pulsari cuspide portas.
  11. erumpunt, cunctisque prior uolat aggere aperto
  12. degener haud Gracchis consul. quatit aura comantis
  13. cassidis Auruncae cristas, umeroque refulget
  14. sanguinei patrium saguli decus. agmina magno