Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. Xanthippus gladio, rigida cadit Eumachus hasta,
  2. et tandem aequatae geminato funere pugnae.
  3. inde alterna uiris transegit pectora mucro,
  4. inque uicem erepta posuerunt proelia uita.
  5. felices leti, pietas quos addidit umbris!
  6. optabunt similes uenientia saecula fratres,
  7. aeternumque decus memori celebrabitur aeuo,
  8. si modo ferre diem serosque uidere nepotes
  9. carmina nostra ualent, nec famam inuidit Apollo.
  10. At consul toto palantis aequore turmas
  11. uoce tenet, dum uoce uiget: ‘Quo signa refertis?
  12. quis uos heu uobis pauor abstulit? horrida primi
  13. si sors uisa loci pugnaeque lacessere frontem,
  14. post me state uiri et pulsa formidine tantum