Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. Eurotan patrium ritusque uidere Lycurgi.
  2. sed Spartam penetrare deus fratresque negarunt
  3. Ausonii, totidem numero, quos miserat altis
  4. Egeriae genitos immitis Aricia lucis,
  5. aetatis mentisque pares; at non dabat ultra
  6. Clotho dura lacus aramque uidere Dianae.
  7. namque ut in aduersos impacti turbine pugnae
  8. Eumachus et Critias et laetus nomine patris
  9. Xanthippus iunxere gradus, (ceu bella leones
  10. inter se furibunda mouent et murmure anhelo
  11. squalentis campos ac longa mapalia complent:
  12. omnis in occultas rupis atque auia pernix
  13. Maurus saxa fugit, coniunxque Libyssa profuso
  14. uagitum cohibens suspendit ab ubere natos;