Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. et percussa gemit tellus ingentibus armis.
  2. haud aliter structo Tyrrhena ad litora saxo
  3. pugnatura fretis subter caecisque procellis,
  4. pila immane sonans impingitur ardua ponto:
  5. immugit Nereus, diuisaque caerula pulsu
  6. inlisum accipiunt irata sub aequora montem.
  7. ductore amisso pedibus se credere Celtae:
  8. una spes anima tantusque pependerat ardor.
  9. ac ueluti, summo uenator densa Picano
  10. cum lustra exagitat spissisque cubilibus atram
  11. immittit passim dumosa per inuia pestem,
  12. dum tacitas uires et flammam colligit ignis,
  13. nigranti piceus sensim caligine uertex
  14. uoluitur et pingui contorquet nubila fumo: