Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. auro uirgatae uestes, manicaeque rigebant
  2. ex auro, et simili uibrabat crista metallo.
  3. Sternitur impulsu uasto perculsa Camertum
  4. prima phalanx, spissaeque ruunt conferta per arma
  5. undae Boiorum: sociata examina densent
  6. infandi Senones, conlisaque quadrupedantum
  7. pectoribus toto uoluuntur corpora campo.
  8. arua natant, altusque uirum cruor, altus equorum
  9. lubrica belligerae sorbet uestigia turmae.
  10. seminecum letum peragit grauis ungula pulsu
  11. et circumuolitans taetros e sanguine rores
  12. spargit humo miserisque suo lauit arma cruore.
  13. spicula prima, puer, tumidi, Tyrrhene, Pelori
  14. purpureo moriens uictricia sanguine tinguis.