Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. donec Phoebeo ueniens Iouis ales ab ortu
  2. in tenuis tandem nubis dare terga coegit.
  3. tum uictrix laetos signa ad Romana uolatus
  4. conuertit, prolesque ducis qua parte decora
  5. Scipio quassabat puerilibus arma lacertis,
  6. clangorem bis terque dedit, rostroque coruscae
  7. perstringens conum galeae se reddidit astris.
  8. Exclamat Liger (huic superos sentire monentis
  9. ars fuit ac penna monstrare futura magistra):
  10. ‘Poene, bis octonos Italis in finibus annos
  11. audaci similis uolucri sectabere pubem
  12. Ausoniam multamque feres cum sanguine praedam.
  13. sed compesce minas: renuit tibi Daunia regna
  14. armiger ecce Iouis. nosco te, summe deorum: