Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. aligero lapsu portabat iussa parentis.
  2. nec mora. mulcentem securo membra sopore
  3. adgreditur iuuenem ac monitis incessit amaris:
  4. ‘Turpe duci totam somno consumere noctem,
  5. o rector Libyae. uigili stant bella magistro.
  6. iam maria effusas cernes turbare carinas
  7. et Latiam toto pubem uolitare profundo,