Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. ipsa autem gregibus per longa mapalia lectos
  2. ante aciem ostentabat equos, tumulumque propincum
  3. dum sequitur gyris, campo uibrata per auras
  4. spicula contorquens summa ponebat in arce.
  5. Hanc hasta totiens intrantem moenia Mopsus
  6. non tulit et celsis senior Gortynia muris
  7. tela sonante fugat neruo liquidasque per auras
  8. derigit aligero letalia uulnera ferro.
  9. Cres erat, aerisonis Curetum aduectus ab antris,
  10. Dictaeos agitare puer leuioribus armis
  11. pennata saltus adsuetus harundine Mopsus.
  12. ille uagam caelo demisit saepe uolucrem,
  13. ille procul campo linquentem retia ceruum
  14. uulnere sistebat, rueretque inopina sub ictu