Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. Ergo habitu insignis patrio, religata fluentem
  2. Hesperidum nodo crinem dextrumque feroci
  3. nuda latus Marti ac fulgentem tegmine laeuam
  4. Thermodontiaca munita in proelia pelta,
  5. fumantem rapidis quatiebat cursibus axem.
  6. pars comitum biiugo curru, pars cetera dorso
  7. fertur equi; nec non Veneris iam foedera passae
  8. reginam cingunt, sed uirgine densior ala est.
  9. ipsa autem gregibus per longa mapalia lectos
  10. ante aciem ostentabat equos, tumulumque propincum
  11. dum sequitur gyris, campo uibrata per auras
  12. spicula contorquens summa ponebat in arce.
  13. Hanc hasta totiens intrantem moenia Mopsus
  14. non tulit et celsis senior Gortynia muris