Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. ac repetens questus furibundo personat ore:
  2. ‘Poscimur, o socii, Fabiusque e puppe catenas
  3. ostentat, dominique uocat nos ira senatus.
  4. si taedet coepti culpandaue mouimus arma,
  5. Ausoniam ponto propere reuocate carinam:
  6. nil moror: en, uincta lacerandum tradite dextra.
  7. nam cur, Eoi deductus origine Beli,
  8. tot Libyae populis, tot circumfusus Hiberis,
  9. seruitium perferre negem? Rhoeteius immo
  10. aeternum imperitet populis saeclisque propaget
  11. regna ferox; nos iussa uirum nutusque tremamus.’
  12. effundunt gemitus atque omina tristia uertunt
  13. in stirpem Aeneadum ac stimulant clamoribus iras.
  14. Discinctos inter Libyas populosque bilinguis