Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. desperare uias laudemque timere secundam.
  2. sed Libyae clades et primi incendia belli
  3. aggerat atque iterum pro libertate labores
  4. Hannon ferre uetat. ponat formidinis aestus
  5. parietibusque domus imbellis femina seruet
  6. singultantem animam; nos, nos contra ibimus hostem,
  7. quis procul a Tyria dominos depellere Byrsa,
  8. uel Ioue non aequo, fixum est. sin fata repugnant,
  9. et iam damnata cessit Carthagine Mauors,
  10. occumbam potius nec te, patria inclita, dedam
  11. aeternum famulam liberque Acheronta uidebo.
  12. nam quae, pro superi, Fabius iubet! ‘ocius arma
  13. exuite et capta descendite ab arce Sagunti.
  14. tum delecta manus scutorum incendat aceruos,