Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. nullo iam capti uitam pensabitis auro.’
  2. Incensi dictis animi, et furor additus armis.
  3. conditur extemplo telorum nubibus aether,
  4. et densa resonant saxorum grandine turres.
  5. ardor agit, prouecta queat dum cernere muros,
  6. inque oculis profugae Martem exercere carinae.
  7. ipse autem incensas promissa piacula turmas
  8. flagitat insignis nudato uulnere ductor
  9. ac repetens questus furibundo personat ore:
  10. ‘Poscimur, o socii, Fabiusque e puppe catenas
  11. ostentat, dominique uocat nos ira senatus.
  12. si taedet coepti culpandaue mouimus arma,
  13. Ausoniam ponto propere reuocate carinam:
  14. nil moror: en, uincta lacerandum tradite dextra.