Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. nomine aui Maurumque Sacen, a moenibus actos
  2. palantisque fuga, praeceps ad litora cursu
  3. egerat, atque una spumabant aequora dextra.
  4. nec contentus Idi leto letoque Cothonis
  5. Marmaridae nec caede Rothi nec caede Iugurthae,
  6. Asbytes currum et radiantis tegmina laeuae
  7. poscebat uotis gemmataque lumina peltae
  8. atque in belligera uersabat uirgine mentem.
  9. quem ruere ut telo uidit regina cruento,
  10. obliquos detorquet equos laeuumque per orbem
  11. fallaci gyro campum secat ac uelut ales
  12. auerso rapitur sinuata per aequora curru.
  13. dumque ea se ex oculis aufert, atque ocior Euro
  14. incita pulueream campo trahit ungula nubem,