Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. intrarat miseram fato ducente Saguntum.
  2. coryti fratrum ex umeris calamique paterni
  3. pendebant uolucerque chalybs, Minoia tela.
  4. hic medius iuuenum Massylae gentis in agmen
  5. crebra Cydoneo fundebat spicula cornu.
  6. iam Garamum audacemque Thyrum pariterque ruentis
  7. Gisgonem leuemque Bagam indignumque sagittae,
  8. impubem malas, tam certae occurrere Lixum
  9. fuderat et plena tractabat bella pharetra.
  10. tum uultum intendens telumque in uirginis ora
  11. desertum non grata Iouem per uota uocabat.
  12. namque ut fatiferos conuerti prospicit arcus,
  13. opposito procul insidiis Nasamonias Harpe
  14. corpore praeripuit letum calamumque uolantem,